Peru was fantasies, ‘n arm land maar skoon, veilig en die mense is hardwerkend. Vir Trafalgar en veral ons toerleier, Harvey, het ons net die grootste waardeering. Hy is in Cusco gebore en ken dus die plaaslike gewoontes en kulture baie goed.  By die trein en vliegtuig het hy reggestaan met die kaartjies. By die middag of aand-etes was die restaurant gereed vir ons. Nogmaals dankie vir al jou moeite ook.

Die Adults Only deel was ongelooflik.  Ek was so bly ons het die swim up room gekry, want dit maak regtig ‘n groot verskil.  Ons kon van ons stoep af in die water klim en ek het ook lekker op die loungers en die stoep se bank gelê.

Ek wil weereens vir julle dankie sê dat ek die geleentheid gekry het om my droom te bewaarheid. Ek is geseënd dat my naam uitgekies is tussen al daardie inskrywings. Dankie aan julle wat my en Jacques se admin so goed organiseer het sodat alles vlot verloop het. Dankie dat ons met geruste harte die toer en alles daarby ten volle kon geniet. Ek sal Boland Travel beslis weer gebruik en aan ander met eerlikheid kan aanbeveel.

Die plaaslike toergidse wat hulle gebruik is almal baie goed en hulle kies ook hulle opsionele ekstra besienswaardighede goed sodat dit n mens ook n bietjie tyd gee om sekere gebiede self te ontdek . Ons toerleier het ons laataand deur die ou stad Praag vergesel – ons sou totaal verdwaal het.